ಜಸ್ಟ್ 2ಗಂಟೆಯಲ್ಲಿ ಅಳಿಸಲಾಗದ ದಾಖಲೆ ಬರೆದ ಡಿಬಾಸ್ ‘ಡೆವಿಲ್’
By Pallavi N Raj
ಚಾಲೆಂಜಿಂಗ್ ಸ್ಚಾರ್ ದರ್ಶನ್ ಅಭಿನಯದ ಬಹುನಿರೀಕ್ಷಿತ ದಿ ಡೆವಿಲ್ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದೆ. ಅಭಿಮಾನಿಗಳಿಗೆ ಬಾಡೂಟ ಸಿಕ್ಕಷ್ಟೆ ಖುಷಿಯಾಗಿದೆ.. ಡಿಸೆಂಬರ್ ಧಮಾಕದಲ್ಲಿ ಡೆವಿಲ್ ಕೂಡ ಒಂದು.. ದಿ ಡೆವಿಲ್ ಟ್ರೇಲರ್ ಮೂಲಕ ಅಭಿಮಾನಿಗಳು ಕುತೂಹಲವನ್ನು ದುಪ್ಪಟ್ಟುಗೊಳಿಸುವಲ್ಲಿ ಯಶಸ್ವಿಯಾಗಿದೆ. ಅಷ್ಟೆ ಅಲ್ದೆ ತೆರೆಕಂಡ ಕೆಲ ಹೊತ್ತಲೇ ದಾಖಲೆಯನ್ನೂ ಬರೆದಿದೆ..
ಹೌದು.. ಈ ಡಿಸೆಂಬರ್ನಲ್ಲಿ ಸ್ಯಾಂಡಲ್ವುಡ್ಗೆ ಸಿನಿಮಾ ಸುಗ್ಗಿ ಅಂದ್ರೆ ತಪ್ಪಾಗಲ್ಲ.. ಡಿಸೆಂಬರ್ 11ರಂದು ದಿ ಡೆವಿಲ್ ಬಿಡುಗಡೆಯಾದರೆ, 25ರಂದು ಕಿಚ್ಚ ಸುದೀಪ್ ನಟನೆಯ ಮಾರ್ಕ್ ಮತ್ತು ಶಿವರಾಜ್ಕುಮಾರ್, ಉಪೇಂದ್ರ, ರಾಜ್ ಬಿ ಶೆಟ್ಟಿ ಅವರ 45 ಸಿನಿಮಾ ತೆರೆಕಾಣಲಿದೆ. ಈ 3 ಬಿಗ್ ಬಜೆಟ್, ಸ್ಟಾರ್ ಸಿನಿಮಾಗಳ ಪೈಕಿ ಮೊದಲು ಬಿಡುಗಡೆಯಾಗಲಿರುವ ದಿ ಡೆವಿಲ್ ತನ್ನ ಟ್ರೇಲರ್ ಮೂಖಂತರ ಪ್ರೇಕ್ಷಕರ ನಿರೀಕ್ಷೆಗಳನ್ನು ದುಪ್ಪಟ್ಟುಗೊಳಿಸಿದೆ. ಬಿಡುಗಡೆಯಾದ ಕೇವಲ 2 ಗಂಟೆಗಳಲ್ಲಿ 1 ಮಿಲಿಯನ್ ಅಂದ್ರೆ 10 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಳ್ಳುವ ಮೂಲಕ ದಾಖಲೆ ಬರೆದಿದೆ. ಸಂಜೆ 4 ಗಂಟೆ ಹೊತ್ತಿಗೆ 2 ಮಿಲಿಯನ್ ವೀಕ್ಷಣೆಯನ್ನು ದಾಟಿತ್ತು.
ಅಂದಹಾಗೆ.. 24 ಹಾರ್ಸ್ ಅಂದ್ರೆ 24 ಗಂಟೆಯಲ್ಲಿ 64 ಲಕ್ಷ ವೀಕ್ಷಣೆ ಪಡೆದುಕೊಂಡಿದೆ.. ವೀವ್ಸ್ ಗೆ ಸಂಬಂಧಪಟ್ಟಂತೆ ಚಿತ್ರದ ಹಿಂದಿರುವ ಚಲನಚಿತ್ರ ನಿರ್ಮಾಣ ಸಂಸ್ಥೆ ಶ್ರೀ ಜೈ ಮಾತಾ ಕಂಬೈನ್ಸ್, ಪೋಸ್ಟ್ ಶೇರ್ ಮಾಡಿ ಅಧಿಕೃತ ಮಾಹಿತಿ ಕೊಟ್ಟಿದೆ. ದರ್ಶನ್ ಅವರ ಪೋಸ್ಟರ್ ಶೇರ್ ಮಾಡಿದ ಅಫೀಶಿಯಲ್ ಪೇಜ್, ದಿ ಡೆವಿಲ್ ಟ್ರೇಲರ್ ಕೇವಲ 2 ಗಂಟೆಗಳಲ್ಲಿ 1 ಮಿಲಿಯನ್+ ವೀಕ್ಷಣೆಗಳನ್ನು ಪಡೆದುಕೊಂಡಿದೆ ಎಂದು ಫೈಯರ್ ಎಮೋಜಿಯೊಂದಿಗೆ ಹಾಕ್ಕೊಂಡಿದೆ ಸಿನಿಮಾ ಡಿಸೆಂಬರ್ 11ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ ಎಂದು ಬರೆದುಕೊಂಡಿದೆ. ಕಾಮೆಂಟ್ ಸೆಕ್ಷನ್ನಲ್ಲಿ ಜೈ ಡಿ ಬಾಸ್ ಎಂದು ಅಭಿಮಾನಿಗಳು ಪ್ರತಿಕ್ರಿಯಿಸುತ್ತಿದ್ದಾರೆ.
ಇನ್ನು.. ಪ್ರಕಾಶ್ ವೀರ್ ಅವರೇ ಕಥೆ, ಚಿತ್ರಕಥೆ ಬರೆದು ಸಿನಿಮಾವನ್ನು ಡೈರೆಕ್ಟ್ ಮಾಡಿ ನಿರ್ಮಿಸಿದ್ದಾರೆ. ಸಿನಿಮಾ ಡಿಸೆಂಬರ್ 11ರಂದು ಅದ್ಧೂರಿಯಾಗಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
