the Girlfriend ಸಿನಿಮಾಕ್ಕೆ ರಶ್ಮಿಕಾಗೆ ಅತ್ಯುತ್ತಮ ನಟಿ ಪ್ರಶಸ್ತಿ; ವಿಜಯ್ ಸಂತಸ
ನಟಿ ರಶ್ಮಿಕಾ ಮಂದಣ್ಣ ದೀಕ್ಷಿತ್ ನಟನೆಯ ರೊಮ್ಯಾಂಟಿಕ್ ಚಿತ್ರ ದಿ ಗರ್ಲ್ ಫ್ರೆಂಡ್ ಸಿನಿಮಾದಲ್ಲಿನಾ ಅಭಿನಯಕ್ಕೆ ಗದ್ದರ್ ತೆಲಂಗಾಣ ಚಲನಚಿತ್ರ ಅತ್ಯುತ್ತಮ ನಟಿ ಪ್ರಶಸ್ತಿಯನ್ನು ಪಡೆದಿದ್ದಾರೆ. ಈ ಗೌರವವು ಭಾರತೀಯ ಚಿತ್ರರಂಗದಲ್ಲಿ ಹೆಚ್ಚುತ್ತಿರುವ ರಶ್ಮಿಕಾ ಸಿನಿಮಾ ಮೇಲಿನ ಪ್ರಮಾಣಿಕತೆ ಶಿಸ್ತನ್ನ ತೋರಿಸುತ್ತಿದೆ.. ಗದ್ದರ್ ತೆಲಂಗಾಣ ಫಿಲ್ಮ್ ಅವಾರ್ಡ್ಸ್ನಲ್ಲಿ ಗೌರವ
ತೆಲಂಗಾಣ ಸರ್ಕಾರವು 2025ರ ಗದ್ದರ್ ಅವಾರ್ಡ್ಸ್ ವಿಜೇತರನ್ನು ಘೋಷಿಸಿದ್ದು, ದಿ ಗರ್ಲ್ಫ್ರೆಂಡ್ ಚಿತ್ರದಲ್ಲಿನ ಅಭಿನಯಕ್ಕಾಗಿ ರಶ್ಮಿಕಾ ಮಂದಣ್ಣ ಅವರಿಗೆ ಅತ್ಯುತ್ತಮ ನಟಿ ಪ್ರಶಸ್ತಿ ನೀಡಲಾಗಿದೆ. ಈ ಚಿತ್ರವು ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದಿದ್ದು, ಬಾಕ್ಸ್ ಆಫೀಸಿನಲ್ಲಿ ಕೂಡ ಉತ್ತಮ ಪ್ರದರ್ಶನ ನೀಡಿದೆ. ಚಿತ್ರದಲ್ಲಿನ ರಶ್ಮಿಕಾ ಅಭಿನಯವು ಭಾವನಾತ್ಮಕ ಮತ್ತು ಪರದೆಯ ಮೇಲಿನ ಅವರ ಪ್ರಭಾವಕ್ಕಾಗಿ ವ್ಯಾಪಕವಾಗಿ ಪ್ರಶಂಸಿಸಲ್ಪಟ್ಟಿದ್ದು, ಸಮಕಾಲೀನ ಭಾರತೀಯ ಸಿನೆಮಾದ ಪ್ರಮುಖ ನಟಿಯರಲ್ಲಿ ಒಬ್ಬರಾಗಿರುವ ಅವರ ಖ್ಯಾತಿಯನ್ನು ಮತ್ತಷ್ಟು ಬಲಪಡಿಸಿದೆ.
ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಈ ಹಿಂದೆ ಯಶಸ್ವಿ ತೆಲುಗು ಚಿತ್ರಗಳಾದ ಗೀತ ಗೋವಿಂದಂ ಮತ್ತು ಡಿಯರ್ ಕಾಮ್ರೆಡ್ ಚಿತ್ರಗಳಲ್ಲಿ ಒಟ್ಟಿಗೆ ಅಭಿನಯಿಸಿದ್ದಾರೆ. ಈ ಚಿತ್ರಗಳಲ್ಲಿ ಇವರಿಬ್ಬರ ಪರದೆಯ ಮೇಲಿನ ಕೆಮಿಸ್ಟ್ರಿ ಪ್ರೇಕ್ಷಕರಲ್ಲಿ ಭಾರೀ ಜನಪ್ರಿಯತೆ ಗಳಿಸಿದ್ದು, ಚಿತ್ರಗಳ ಯಶಸ್ಸಿಗೂ ಕಾರಣವಾಗಿದೆ.
ಈ ಜೋಡಿ ಮುಂಬರುವ ಪೀರಿಯಡ್ ಆಕ್ಷನ್ ಡ್ರಾಮಾ ರಣಬಲಿಯಲ್ಲಿ ನಟಿಸಲಿದ್ದಾರೆ. ರಾಹುಲ್ ಸಂಕ್ರಿತ್ಯನ್ ನಿರ್ದೇಶನದ ಚಿತ್ರದಲ್ಲಿ ವಿಜಯ್ ದೇವರಕೊಂಡ ಸ್ವಾತಂತ್ರ್ಯ ಹೋರಾಟಗಾರರ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ರಶ್ಮಿಕಾ ಮಂದಣ್ಣ ಜಯಮ್ಮ ಪಾತ್ರದಲ್ಲಿ ಅಭಿನಯಿಸಲಿದ್ದಾರೆ.
ಒಟ್ನಲ್ಲಿ ರಶ್ಮಿಕಾಗೆ ಬಂದಿರೋ ಅವಾರ್ಡ್ ವಿಷಯ ಕೇಳಿ ವಿಜಯ್ ದಿಲ್ ಖುಷ್ ಆಗಿದ್ದಾರೆ..
