‘ರಾಯರ ದರ್ಶನ’ ಆಲ್ಬಮ್ ಸಾಂಗ್ ಟೀಸರ್ ಲಾಂಚ್
ಲಕ್ಷ್ಮೀ ಗಣೇಶ ಪ್ರೊಡಕ್ಷನ್ ಹಾಗೂ ದಿ ನ್ಯೂ ಇಂಡಿಯನ್ ಟೈಮ್ಸ್ ಸಂಸ್ಥೆ ಪ್ರೆಸೆಂಟ್ಸ್ ಮಂತ್ರಾಲಯದ ಗುರು ರಾಘವೇಂದ್ರ ಸ್ವಾಮಿಗಳ ‘ ರಾಯರ ದರ್ಶನ’ ಆಲ್ಬಮ್ ಸಾಂಗ್ ನ ಟೀಸರ್ ಲಾಂಚ್ ಆಗಿದ್ದು , ರಾಯರ ವರ್ಧಂತಿ ಯಂದೇ ಟೀಸರ್ ಜೊತೆಗೆ ಪೋಸ್ಟರ್ ಬಿಡುಗಡೆ ಮಾಡಲಾಗಿದೆ.
ಈ ಹಾಡನ್ನು ರಘು ಭಟ್ ಅವರು ನಿರ್ದೇಶನ ಮಾಡಿದ್ದು, ಸುಗುಣ ರಘು ಭಟ್ ನಿರ್ಮಾಣ ಮಾಡಿದ್ದಾರೆ. ನಾಗಾರ್ಜುನ ಶರ್ಮಾ ಅವರ ಸಾಹಿತ್ಯಕ್ಕೆ ಎಬಿಬಿಎಸ್ ಸ್ಟುಡಿಯೋ, ಸಿ. ಆರ್. ಬಾಬಿ ಹಾಗೂ ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದು , ಪವನ್ ಎಂ. ಬಿ ಆಚಾರ್ಯ ಸಿನಿಮಾಟೋಗ್ರಫಿ ಮಾಡಿದ್ದಾರೆ.
ಈ ಟೀಸರ್ ಅನ್ನು ಮಂತ್ರಾಲಯದ ಯತಿಗಳಾದ ಶ್ರೀ ಶ್ರೀ ಶ್ರೀ ಶುಭದೆಂದ್ರ ತೀರ್ಥರು ರಿಲೀಸ್ ಮಾಡಿದ್ದಾರೆ. ಸ್ಯಾಂಡಲ್ ವುಡ್ ನ ಹಿರಿಯ ನಟ ಜಗ್ಗೇಶ್, ರಿಷಬ್ ಶೆಟ್ಟಿ, ಲಕ್ಷ್ಮೀ ಗಣೇಶ, ಟಿಎನ್ ಐಟಿ ಸಂಸ್ಥೆಯ ಎಂಡಿ ಆಗಿರುವ ಸುಗುಣಾ ರಘು ಮತ್ತು ಸಿಇಓ ಆಗಿರುವ ರಘು ಭಟ್ ಈ ಸಂಧರ್ಭದಲ್ಲಿ ಉಪಸ್ಥಿತರಿದ್ದರು.
ಟೀಸರ್ ಮತ್ತು ಪೋಸ್ಟರ್ ಬಿಡುಗಡೆ ಮಾಡಿ “ಸಿನಿಮಾವನ್ನು ಚೆನ್ನಾಗಿಲ್ಲ ಎಂದು ಹೇಳೋದು ಸುಲಭ, ಆದ್ರೆ ಅದರ ಹಿಂದೆ ಸಾಕಷ್ಟು ಶ್ರಮವಿರುತ್ತದೆ. ಶ್ರಮವಹಿಸಿ ಆಲ್ಬಮ್ ಸಾಂಗ್ ಮಾಡುತ್ತಿದ್ದಾರೆ, ಆದಷ್ಟು ಬೇಗ ಹಾಡು ಬಿಡುಗಡೆಯಾಗಲಿ” ಎಂದು ಗುರುಗಳು ಹರಸಿ ಹಾರೈಸಿದರು.
