ನಾಯಂಡಹಳ್ಳಿ ಇಂದ ಬನ್ನೇರುಘಟ್ಟಕ್ಕೆ ಹೋಗುವ ಮಾರ್ಗಕ್ಕೆ ರೆಬೆಲ್‌ ಸ್ಟಾರ್‌ ಅಂಬರೀಸ ಹೆಸರಿಡುವಂತೆ ಅಂಬಿ ಅಭಿಮಾನಿಗಳು ಮನವಿ ಮಾಡಿದ್ದಾರೆ. ಈಗಾಗಲೇ ನಾಯಂಡಳ್ಳಿಯಿಂದ ಬನ್ನೇರುಘಟ್ಟ ರಸ್ತೆಗೆ ಪುನೀತ್ ಹೆಸರಿಡೋದಾಗಿ ಬಿಬಿಎಂಪಿ ಘೋಷಿಸಿತ್ತು. ಆದ್ರೀಗ ಅಂಬರೀಶ್ ಅಭಿಮಾನಿಗಳು ಈ ರಸ್ತೆಗೆ ಮಂಡ್ಯದ ಗಂಡಿನ ಹೆಸರಿಡಲು ಒತ್ತಾಯಿಸಿದೆ. ಅಪ್ಪು ಅಂಬರೀಶ್ ಅವರನ್ನ ಮಾಮ ಅಂತಲೇ ಕರೆಯುತ್ತಿದ್ರು, ಜೊತೆಯಲ್ಲೇ ಸಿನಿಮಾ ಕೂಡ ಮಾಡಿದ್ರು. ಇಬ್ಬರ ನಡುವೆ ಒಂದು ಆತ್ಮೀಯ ಒಡನಾಟವಿತ್ತು.
ಅಂಬರೀಶ್ ಕುಟುಂಬ ಹಾಗೂ ಅಣ್ಣಾವ್ರ ಕುಟುಂಬದ ನಡುವೆ ಬಿಡಿಸಲಾಗದ ಬಂಧವಿದೆ. ಆದ್ರೀಗ ನಾಯಂಡಹಳ್ಳಯಿಂದ ಬನ್ನೇರುಘಟಕ್ಕೆ ಸಾಗುವ ದಾರಿಗೆ ಅಪ್ಪು ಹೆಸರಿಡಬೇಕೋ.. ಇಲ್ಲ ಅಂಬಿ ಹೆಸರಿಡಬೇಕೋ ಅನ್ನೋ ವಿಚಾರವಾಗಿ ಅಭಿಮಾನಿಗಳ ನಡುವೆ ಸಣ್ಣದೊಂದು ಭಿನ್ನಾಭಿಪ್ರಾಯ ಮೂಡಿದೆ. ಈ ವಿಷಯವಾಗಿ ಇವತ್ತು ಬೆಳಗ್ಗೆ 11 ಘಂಟೆಗೆ ಬಿಬಿಎಂಪಿಗೆ ಆಗಮಿಸಿ ಅಂಬರೀಶ್ ಸಂಘಟನೆಗಳು ಮನವಿ ಮಾಡಿದ್ದಾರೆ. ಎರಡೂ ಅಭಿಮಾನಿಗಳ ಸಂಘಕ್ಕೆ ಇದೀಗ ಪ್ರತಿಷ್ಟೆಯ ವಿಷಯವಾಗಿ ಬದಲಾಗ್ತಾ ಇದೆ. ಇದಕ್ಕೆ ಬಿಬಿಎಂಪಿ ಹೇಗೆ ಪ್ರತಿಕ್ರಿಯಸಲಿದೆ ಕಾದು ನೋಡಬೇಕು.
