‘ಹೆಡ್ ಬುಷ್’ ಧನಂಜಯ್ ಜೊತೆ ಯೋಗಿ: ಪಾತ್ರದ ಸ್ವಾರಸ್ಯ ಮುಚ್ಚಿಟ್ಟ ಡಾಲಿ

ಡಾಲಿ ಧನಂಜಯ್ ನಟಿಸುತ್ತಿರುವ ಹೆಡ್ ಬುಷ್ ಚಿತ್ರದಲ್ಲಿ ಇದೀಗ ಮತ್ತೋರ್ವ ಸ್ಟಾರ ನಟನ ಎಂಟ್ರಿಯಾಗಿದೆ. ಬೆಂಗಳೂರು ಭೂಗತ ಜಗತ್ತಿನ ಡಾನ್ ಎಂಪಿ ಜಯರಾಜ್ ಜೀವನಾಧರಿತ ಈ ಚಿತ್ರದಲ್ಲಿ ಲೂಸ್ ಮಾದ ಖ್ಯಾತಿಯ ಯೋಗಿ ನಟಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅವರ ಪಾತ್ರ ಏನು ಎಂಬುದು ಸದ್ಯಕ್ಕೆ ರಿವೀಲ್ ಆಗಿಲ್ಲ. ಜಯರಾಜ್ ಜೀವನದ ಕುರಿತು ಅಗ್ನಿ ಶ್ರೀಧರ್ ಕಥೆ ಮಾಡಿದ್ದು, ಡಾಲಿ ಧನಂಜಯ್ ಅವರು ಡಾನ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ನಿನ್ನೆಯಷ್ಟೆ ಈ ಸಿನಿಮಾದ ಫಸ್ಟ್ ಲುಕ್ ಟೀಸರ್ ಬಿಡುಗಡೆಯಾಗಿದ್ದು, ಜಯರಾಜ್ ಪಾತ್ರಧಾರಿ ಧನಂಜಯ್ ಖಡಕ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಇನ್ನು ಹೆಡ್‌ಬುಷ್ ಸಿನಿಮಾದಲ್ಲಿ ಯೋಗಿ ನಟನೆಯ ಬಗ್ಗೆ ಧನಂಜಯ್ ಅವರೇ ಹೇಳಿಕೊಂಡಿದ್ದು, ”ಯೋಗಿ ನಮ್ಮ ಹೆಡ್‌ಬಷ್ ಸಿನಿಮಾದಲ್ಲಿ ಬಹುಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಅವರ ಎಂಟ್ರಿಯನ್ನು ಬಹಳ ದೊಡ್ಡ ಮಟ್ಟದಲ್ಲಿ ಅನಾವರಣ ಮಾಡಬೇಕು ಎನ್ನುವ ಯೋಜನೆ ಇತ್ತು. ಆದರೆ, ಆ ವಿಷ್ಯ ಬಹಿರಂಗವಾಗಿರುವ ಹಿನ್ನೆಲೆ ನಾನು ವೆಲ್‌ಕಮ್ ಮಾಡ್ತಿದ್ದೇನೆ.

ಲಂಕೆ ಚಿತ್ರದ ಆಡಿಯೋ ವನ್ನು ರಿಲೀಸ್ ಮಾಡಿ ಮಾತನಾಡಿದ ಧನಂಜಯ್ ಹೆಡ್ ಬುಷ್ ಸಿನಿಮಾದ ಕೆಲವು ಸಂಗತಿಗಳನ್ನು ಹಂಚಿಕೊಂಡರು.

ಕನ್ನಡ ಚಿತ್ರರಂಗದಲ್ಲಿ ಯೋಗೇಶ್ ಬಹಳ ವಿಶೇಷ ಮತ್ತು ವಿಭಿನ್ನ ಕಲಾವಿದ. ನೈಜ ಅಭಿನಯ ಮಾಡುವಂತಹ ಕೆಲವೇ ಕಲಾವಿದರ ಪೈಕಿ ಯೋಗಿ ಸಹ ಒಬ್ಬರು. ಯಾವುದೇ ಪಾತ್ರವನ್ನು ಸೂಕ್ತವಾಗಿ ನಿಭಾಯಿಸಬಲ್ಲ ನಟ. ಬಹಳ ಕಡಿಮೆ ಅವಧಿಯಲ್ಲಿ ದೊಡ್ಡ ಯಶಸ್ಸು ನೋಡಿ, ಸೂಪರ್ ಸ್ಟಾರ್ ಸ್ಥಾನ ನೋಡಿರುವ ಕಲಾವಿದ. ನಮ್ಮ ಚಿತ್ರದಲ್ಲಿ ಒಳ್ಳೆಯ ಪಾತ್ರದಲ್ಲಿ ಅವರನ್ನು ನೋಡಬಹುದು” ಎಂದು ಹೇಳಿದರು.

****